Версія для друку Версія для друку

Фіглі по-нашому

«Поговорили» 

Слава Йсусу Христу!
Та чоботи чищу,
На базарі м вчора була
Свинську голову здобула.
Ти што, кумице, оглухла?
Айно, айно, були й уха.
Докить я прийшла у варош
Обі схрумкав їх мейсарош.
Ти корову пасти гнала?
Я на йсе давно чекала
Ош ти, кумице, прийдеш,
Й смачного принесеш.
Там корова щи в хліві?
Вижу чіжми в тя нові.
Вто дарунок чоловіка.
В кого, кажеш, файний біка?
Йсе на руку ми якраз.
Перебігать третій раз
Моя збішлена корона.
Ну всьо, кумо, будь здорова!

Михайло ЦІЦАК. 

– Куме, як думаєте, што ліпше подарити жоні на динь народження?
– Пак зазвідайте ся у ниї.
– Нє, тулько гроши я не маю…
***
Єден дохтор поникався на хворого і каже:
– Сього на операцію.
Медсестра:
– А што у нього?
– Много гроши.
***
Стрічаються двоє цімборів, один другого питає:
– Як твоя жона ся має?
– Йой, моя жона ангел небесний!
– А моя закляла би ся – іще жиє!!!
***
– Куме, був им у музеї де типирішні художники ся виставляют. Но, та знаєте, получаєся я, коли був малий, не так і паскудно мальовав.
***
Перший динь на роботі. Начальник каже новому робутникови:
– Бери віник і йди пудмети.
Тот ся возмущає:
– Як пудмети. Падь я УжНУ кончив!
– А, розумію, но давай віник як тобі покажу як тото ся робит.
***
– Тютко, дякую за подарок.
– Ниє за што.
– Та я і сама вижу, ош ниє зашто, айбо мамка казала подякувати.
***
У жони є дві об’язаності перед чоловіком: 1. Успокойити го, коли нервозний. 2. Нанервозити го, коли спокійний.
***
– Іване, як здоровля?
– Не знаву!
– Пак, як не знаєш?
– Пак так! Украли од ня у маршрутці кульок з аналізами….

Ваш отзыв

Ваш коментар