Версія для друку Версія для друку

Парадюля Василина

Каждий тиждень у неділю
До церкви ходила
Циля з Горба Митракова.
Што ся парадила!
На Утреню не встигала
Бідна Василина,
Приходила, як співали:
«Іже херувими!».
Бо як встигнеш, коли треба
Так ся нарядити,
Аби люди пам’ятали
Й мали говорити:
− Но бо файні в ниї чіжми,
Сведер і монисто,
Ба де плахти вті купує?
Всьо паранно, чисто.
Як сусідка такий віган
Ги в ниї купила,
Василина Літургію
В церкві пропустила.

Михайло ЦІЦАК,
с. Імстичово

Ваш отзыв

Ваш коментар